Vélarvana og stjórnlaust skip

sigldi á Arnarfellið. Hvernig getur vélarvana skip siglt yfirleitt, og er það ekki stjórnlaust ef það er vélarvana??  Spyr sá sem ekki veit.


mbl.is Sigldi stjórnlaust á Arnarfellið
Tilkynna um óviðeigandi tengingu við frétt

Það kemur ekkert svakalega á óvart

að Hanna Birna hafi langt forskot á Illuga og Guðlaug Þór. Báðir þessir heiðursmenn hafa glatað tiltrú hins almenna Sjálfstæðismanns og vilja nýtt blóð á þing sem hefur ekki stimpil græðgi og klaufaskapar á herðunum.

Hanna Birna hefur staðið sig vel í Reykjavík og að mínum dómi hefði hún átt að vera formaður flokksins í dag. Flokkurinn geldur fyrir það klúður í næstu kosningum að hafa Hönnu ekki í forystu.

Þó að kannanir sýni að Sjálfstæðisflokkurinn fái aukið fylgi í næstu kosningum, þá held ég að enn meiri fylgi fengist með Hönnu í brúnni. Ég skora á alla Sjálfstæðismenn að kjósa hana sem formann, bjóði hún sig aftur fram, á næsta landsfundi og koma þannig flokknum í betri hendur en hann er í núna.


mbl.is Hanna Birna er með mest fylgi
Tilkynna um óviðeigandi tengingu við frétt

Frábært að Neistanum skula hafa safnast aftur

u.þ.b þeirri fjárhæð sem bankarnir töpuðu fyrir þeim í hruninu 2008.

Mér finnst að bankarnir hefðu getað gefið miklu meira í þessa söfnun en raun bar vitni ( ef þeir gáfu þá eitthvað ) og þannig skila til baka því fé sem þeir tóku og bröskuðu með og töpuðu.

Litil hjörtu hafa eflaust þurft að þjást vegna þeirra eigingjörnu ákvörðunar bankamanna að nota féð til að kosta hækkun hlutabréfa bankanna og til einkaneyslu bankastjóra.

Ég vona svo sannarlega að Neistinn og aðstandendur hans, fái að njóta þessa söfnunarfés og það renni óskipt til þeirra sem þurfa svo sannarlega að nota það.


mbl.is Ríflega 40 milljónir söfnuðust
Tilkynna um óviðeigandi tengingu við frétt

Hækkanir á lambakjöti að verða staðreynd?

Bændur eru að hækka viðmiðunarverð á lambakjöti og ætlast til að íbúar þessa lands taki því með þögninni eins og venjulega. Forsvarsmenn bænda segja þó að verðlag ætti ekki endilega að hækka til neytenda en þar sem verð á kjöti til útflutnings hefur hækkað þá vilji þeir fá stærri bita af kökunni.

Hvað kemur okkur neytendum við karp milli bænda og afurðasala? Ef bændur fá ekki sitt skal þá hækka verð til neytenda um 25%? Ég veit ekki betur en bændur fái u.þ.b 6000 krónur fyrir hvert ærgildi frá ríkinu, þ.e okkur neytendum og skattgreiðendum.

Ég legg til að til að spara hjá Steingrími, verði afnumdar bætur fyrir þau ærgildi sem fara úr landi. Ég og aðrir Íslendingar ættu ekki að þurfa að borga niður kjöt sem fer til annarra landa til neytenda þar og ef verðið hefur hækkað um 25% a.m.k, þá er engin ástæða til að borga bændum bætur fyrir þannig kjöt.

Þegar ég var ungur og hart í búi hjá foreldrum mínum, þá brást það ekki að lambakjöt var á boðstólum um helgar. Núna svitnar maður við að sjá að lambalæri kostar um 6000 krónur eða sem nemur niðurgreiðslu á einu ærgildi. Hvað verður um restina?

Ég tek undir það að sniðganga lambakjöt og reyna að fá innflutt kjöt frá Evrópu frá bændum sem selja kjötið á boðlegu verði, en ekki okrurum sem reyna allt til að græða á neytendum þessa lands.

Hingað og ekki lengra.


Þjóðaratkvæði ofan á þjóðaratkvæði

Það hefði verið nær að draga landið upp úr atvinnuleysi og óáran áður en farið var að rugga bátnum með stórfelldum breytingum á kvótakerfinu.

Það sýnir sig að breytingar á því taki tíma og allir verða að vera sáttir við niðurstöðuna, ekki bara þjóðin heldur líka útgerðamenn því þeir sækja fyrir okkur fiskinn. Þjóðaratkvæðagreiðsla, um hvað ætti hún að vera, um hvað ætti að kjósa? hvort kvótinn sé í eigu þjóðarinnar eða ekki? Kvótinn er í eigu þjóðarinnar nú þegar og það þarf ekki Ólínu Þorvarðardóttur til að segja okkur það. Samfylkingin er búin að klúðra þessu máli algjörlega og það besta í stöðunni væri að lýsa því yfir að breytingar á kvótakerfinu yrði frestað þar til þjóðin hefur verið dregið upp úr þeirri aðstöðu sem hún er í núna og skikk hefur verið komið á atvinnuleysi í landinu.

Það síðasta sem við þurfum núna er að fleiri atvinnuleysingjar verði til með óvandaðri vinnu við breytingarnar eins og Samfylkingarinnar er von og vísa, heldur sameinast um að vinna við gerð kjarasamninga og halda sem flestum í vinnu.

Að lokum vil ég segja þetta; Það er EKKI tímabært að halda þjóðaratkvæðagreiðslu um kvótakerfið, farið og gerið eitthvað gagnlegt fyrir land og þjóð í stað þess að setja hana (þjóðina) í enn eitt karpið um ekki neitt.  


mbl.is Þjóðaratkvæði um kvótann
Tilkynna um óviðeigandi tengingu við frétt

Þetta er ein afleiðing hækkaðs áfengisverðs

Krakkarnir hafa ekki lengur efni á að kaupa sér bjór og áfengi, og þar af leiðandi fara þeir útí marijúana vegna þess að 1 gramm kostar 3000 kall en vodkaflaskan 6500 kall.

Þetta hefur verið vitað í áratugi og Steingrímur Joð er ekki svo vitlaus að gera sér ekki grein fyrir afleiðingum þess að hækka áfengi svo mikið sem raun ber vitni. Fíkniefnaheimurinn er harður eins og sést best í Mexíkó en þar eru menn að huga að því hvort ekki ætti að leyfa maríjúana og hass, einungis til að minnka spillingu og það stríð sem geisar á milli lögreglu og fíkniefnasala.

Þær aðstæður sem nú eru í Mexíkó, gætu auðveldlega  sprottið upp hér ef menn passa ekki upp á eins auðveldan hlut og að hækka ekki brennivínið svo að það borgi sig að kaupa eiturlyf, því fólk vill komast í sína vímu hvað sem tautar, og ef það hefur ekki efni á brennivíni þá bara fer það í hassið.  


mbl.is Skilja á milli sölu og framleiðslu á marijúna
Tilkynna um óviðeigandi tengingu við frétt

ISAVIA dæmt til greiðslu vegna starfsmanns sem ......

gerði sig sekan um að fara í heitan pott með samstarfsfélaga sínum, nakinn, og það að verða kallt á höndunum eftir að hann kom úppúr pottinum.

Í mars 2009 var farin ferð í sumarbústað af tveimur karlmönnum og einni samstarfskonu þeirra sem öll unnu hjá ISAVIA. Tilefnið var að ræða um frama konunnar og aukna ábyrgð sem hún átti að taka að sér.

Hennar vinna hafði falist í því að gefa út aðgangsheimildir fyrir ótilgreint svæði ásamt því að gera hin sama vegna bifreiða sem erindi áttu inn á þetta ótilgreina svæði.

Ákveðið var að fara uppí sveit og hafa það næs ásamt því að ræða frekar um starf hennar við hið nýja fyrirtæki. Ekki vildi betur til en að eftir matinn um kvöldið þar sem vín var haft um hönd fóru mennirnir tveir í heitan pott , annar nakinn en hinn klæddur sundskýlu. Annar eða báðir hvöttu konuna til að koma með í pottinn en hún bar því við að hún hefði ekki sundföt meðferðis. Bauð því sá nakti henni að hún gæti fengið föt af sér til brúks á meðan hún færi í pottinn. Ekki þáði hún boðið en sat drykklanga stund með þeim og rabbaði, bauð síðan góða nótt og fór til herbegis síns. Þar sem hún treysti ekki ástandinu setti hún ferðatösku framan við hurðina innanverðu svo hún yrði þess var ef einhver reyndi inngöngu um nóttina.

Svo fór að yfirmaðurinn kom inn seinna um nóttina opnaði dyrnar og færði töskuna til hliðar og fór að ræða við konuna, var hann við það tækifæri fullklæddur en ekki alsnakinn eins og Fréttablaðið segir í blaði sínu þann 16. feb s.l.

Konunni fannst óþægilegt að vera við svo búið í herberginu og fór fram í stofu þar sem þau röbbuðu eitthvað eða þangað til að yfirmaðurinn bað hana að hlýja sér á höndunum vegna þess að honum var kallt. Það kemur fram að konunni hefði ekki litist á blikuna á tímabili og verið a.m.k tvisvar í sambandi við eiginmann sinn á meðan þessu sóð. Henni fannst sér ógnað þar sem hún hafði ekki bíl og fannst hún einöngruð með tveimur yfirmönnum sínum af karlgerðinni.

Þetta er megininntakið í dómi yfir ISAVIA um kynferðislega áreitni sem hún kvartar um að hafa orðið fyrir.

Það vakna eðlilega spurningar á borð við, var ekki hægt að halda fundinn á skrifstofu yfirmannsins, og hvers vegna samþykkti hún að fara með þeim teimur í sumarbústað þar sem var vitað að vín yrði haft um hönd. Enginn er svo vitlaus að halda að svona ferðir séu án víns. Hvers vegna stoppaði eiginmaðurinn ekki konuna að fara eins og eðlilegt væri ef allt væri eins og það ætti að vera. Hvers vegna bað konan eiginmanninn ekki að koma og ná í sig þegar henni fannst aðstæðurnar vera orðnar ískyggilegar og/eða hringði í lögregluna sér til bjargar?

Þegar maður les dóminn þá sér maður að ástæða málshöfðunar er ekki kynferðislega áreitni, enda erfitt að sjá það fyrir sér í þeim aðstæðum sem héraðsdómur lýsir, heldur fyrst og fremst launa og kjaradeila þar sem konan virðist hafa verið lækkuð í tign og tölvuaðgangur tekinn af henni án hennar vitneskju og samráðs. Við sameiningu Keflavíkurflugvallar og ISAVIA hljóta þó að verða breytingar hjá flestum og þurfa menn að sætta sig við það á meðan stöðugleiki kemst á að nýju. í mínu fyrirtæki sem einnig er ríkisfyrirtæki eru breytingar nánast daglegt brauð og kemur það kynferðislegri áreitni ekkert við.

Mér finnst að það sé verið að taka manninn af lífi fyrir léttvægar sakir og ofsi konunnar í garð fyrrverandi yfirmanns síns sé með ólíkindum, svo ekki sé minnst á þá talsmenn Ungmennahreyfingarinnar sem tjáð sig hafa um málið. Mér finnst mál að linni og manninum leyft að jafna sig og koma lífi sínu í eðlilegt horf að nýju án þess að fréttamiðlar rakki hann niður með mis grófum hætti og saki hann um hluti sem hann gerði ekki samkvæmt dómi Héraðsóms, lesið dóminn yfir áður en þið gasprið um hlutina og hafið rétt fyrir rétt.

Stefán Thordersen ( hann hefur nú þegar verið nafngreindur í fjölmiðlum en ekki konan sem olli honum sjálfsagt langvarandi tjóni ) gerði mistök sem voru þó smávægileg í samanburði við opinbera mannorðsaftöku hans sem nú fer fram og í engu er gefið eftir fyrir hann og hans fjölskyldu sem er örugglega í sárum eftir þennan dóm. Væri nú ekki ráð að máli linni og honum gefinn kostur á að verja sig ( hann var ekki kallaður fyrir dóm til  að segja sína útgáfu af málinu) og koma á sáttum milli hans og fjölskyldunnar.

Að lokum, Það er ágætt að fá leiðbeiningar um það hvernig á að umgangast konur almennt. Þessi dómur hlýtur að hafa það í för með sér að konur einangrist frá karlmönnum á vinnustað og erfiðara verið að vinna með þeim í framtíðinni og jafnvel að opinber jafnt sem óopinber fyrirtæki stíi konum og körlum í sundur svo jafn aulaleg mál og þetta komi ekki fyrir aftur. Jafnrétti kvenna og karla til að vinna sömu störf verði minnkuð og konur vinni alls ekki í deildum sem karlmenn hafa yfir að ráða og öfugt.

Þessi dómur á eftir að verða konum til heftunar en ekki frelsis, en það er sennilega það sem þær vilja svona innst inni.


Það er svona sem konur koma fram vilja sínum

Þær senda karlinn í ófrjósemisaðgerð í stað þess að fara sjálfar, þó svo að þær verði sjálfkrafa geldingar um fimmtugsaldurinn. Þær senda hins vegar karlinn í geldingu. Frumkvöt karlsins er að geta fjölgað sér og þegar það er ekki lengur hægt þá geta sumir hverjir ekki gengið uppréttir aftur sökum skorts á sjálfsvirðingu.

Það er tímanna tákn að konur taka sér frí í vinnu á miðjum degi og hópast í kröfugöngu þúsundum saman niður í miðbæ Reykjavíkur til að segja, væntanlega körlunum sem þær eru búnar að senda í geldingu, að þær hafi það svo skítt.

Kannski við karlmenn ættum að safnast saman svo tugþúsundum skipti niður í bæ einn eftirmiðdaginn þegar hvað brjálaðast er að gera í vinnunni, og krefjast þess að losna undan oki kvennanna sem raunverulega fara með öll völd. Hvenær heyrum við um karl sem kvartar undan yfirgangi og frekju eiginkonunnar? Aldrei. Þegar búið er að gelda hann þá verður hann eins og geldur hundur, situr heima og hlýðir konunni í einu og öllu.

 


mbl.is Karlar flykkjast í ófrjósemisaðgerðir
Tilkynna um óviðeigandi tengingu við frétt

Þetta er allt gott og gilt

en það þarf meira til að koma þessum 40.000 heimilum til aðstoðar. Ég myndi segja að þeir sem eru illa staddir þyrftu einfaldlega að fara í greiðslumat og greiða í samræmi við getu hvers og eins, annað verði afskrifað.

Það þarf líka atvinnu og það vel launaða atvinnu. Ég bý á Suðurnesjum þar sem mesta atvinnuleysi er á landinu og einhverra hluta vegna má alls ekki koma neinu af stað hérna, sennilega vegna prinsippa sem Ögmundur og CO hafa og vilja ekki víkja frá sama hvað.

Ummæli Ögmundar varðandi álverið í Helguvík og ECA verkefnið er dæmi um það hvað mikil skammsýni ræður ríkjum í kollum VG manna. Hann (Ögmundur) lætur hafa það eftir sér í Víkurfréttum "að skoða aðra kosti í atvinnumálum en álver í Helguvík og ECA flugverkefnið" Einnig segir hann " flugmálayfirvöld skoða ECA verkefnið og segir að flugmálastjórn hafi miklar efasemdir um verkefnið og það kunni að skaða atvinnuhagsmuni." Þetta er undarlegt, að 200 störf skaði atvinnuhagsmuni, er maðurinn ekki heill á geði? Hvernig getur atvinna skaðað atvinnu þegar 17% atvinnuleysi blasir við? Vissulega eru þröskuldar á þessu ECA verkefni eins og tryggingamál en þau eru hægt að leysa ef vilji er fyrir hendi.

Ögmundur vill nýta kraftinn í Suðurnesjamönnum til annarra verkefna en álver, ECA, virkjanaframkvæmdir, línulagningu og uppbyggingu sjúkrahúss á Vallarheiði svo ekki sé talað um Varnarmálastofnun sem hann og  hans félagar eru búnir að leggja niður. Það mætti segja mér að krafturinn í Suðurnesjamönnum sé farinn að minnka við eilífar nauðungarsölur og niðurrif stjórnvalda á atvinnu á svæðinu. Það virðist ekkert nógu gott í hans augum til að vert sé að koma einhverju af því á koppinn, bara vegna prinsippa.


mbl.is Niðurfærsla rædd í vikunni
Tilkynna um óviðeigandi tengingu við frétt

Þetta minnir nú bara

á veturinn 2008-09, þegar Geir og CO þurftu lífvörð vegna hræðslu við eitthvað. Sagan endurtekur sig, skyldi Jóhanna verða annar Forsætisráðherrann sem fær yfir sig Landsdóm? Ekki vegna þess að hún olli hruninu mikla heldur vegna þess að hún og Steingrímur viðhéldu kreppunni lengur en efni stóðu til og björguðu þeim sem mest máttu sín í þjóðfélaginu, en létu hina éta það sem úti fraus.

Það er gaman að rifja upp lánveitinguna til Saga Capital og hvernig hún kom til, en Steingrímur var ekki lengi búinn að vera fjármálaráðherra þegar hann lánaði 20 millj. á 3% vöxtum svo mætti bjarga fyrirtækinu sem hann og hans menn höfðu fjárfest í í góðærinu. Stuttu seinna var veglegur arður greiddur út. 

Hvað hefði verið hægt að bjarga mörgum heimilum fyrir 20millj. á 3% vöxtum óverðtryggt?

Hvað á þetta lið sér til málsbóta?

 


mbl.is Lífvörður fylgir forsætisráðherra eftir
Tilkynna um óviðeigandi tengingu við frétt

Næsta síða »

Höfundur

Helgi Jónsson
Helgi Jónsson

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 2
  • Frá upphafi: 0

Annað

  • Innlit í dag: 0
  • Innlit sl. viku: 2
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Af mbl.is

Innskráning

Ath. Vinsamlegast kveikið á Javascript til að hefja innskráningu.

Hafðu samband