Þá er þessu vonandi lokið nema....

Breta og Hollendinga hugnist ekki einu sinni þessi niðurstaða og heimti meira. Þá mun Fjármálaráðherra bukta sig og beygja og fara í annan leiðangur til að þjóna þessum nýju herrum.

Alþingi Íslendinga hefði átt að fella þetta frumvarp í gær. Það hefði engu breytt, nema að fyrirvararnir sem samþykktir voru í sumar eða haust væru inni. Þetta eru lög samin á hinu háa Alþingi og enginn utanaðkomandi ætti að geta knúið lýðræðislega kosið þing til að breyta sínum lögum þegar það er ljóst að það er til skaða fyrir land og þjóð.

 Nú er að þrýsta á að koma lögum yfir þá menn sem komu okkur í þessa stöðu. Ekki til að koma þeim í fangelsi, heldur til að ná í eignir þeirra til að minnka skaðann. Refsing þessara ca. 150 manna ætti að vera að þeir yrðu sviptir ríkisborgararétti á Íslandi og settir á alþjóðlegan hryðjuverkalista. Þessi aðferð mundi gera þeim erfitt fyrir að höndla með fjárreiður og væntanlega koma þeim í vonlausa stöðu erlendis, við þyrftum engan kostnað að bera af þeim í fangelsum landsins og þeir myndu alveg örugglega ekki láta það á sig fá að sitja inni á Kvíabryggju frekar en aðrir sem þar hafa setið.

Úr því að bretar gátu sett heila þjóð á þennan lista, ætti að vera smámál fyrir okkur að koma þeim á þennan lista.


mbl.is Alþingi samþykkti Icesave
Tilkynna um óviðeigandi tengingu við frétt

Þetta er vont mál með þessa konu.

En hvar er femínistafélagið núna til að gagnrýna þessa konu sem sannað er að hafi haft aðrar konur á sínum snærum til kynlífssölu.

Femínistafélagið tekur fimm ára gamalt mál og gagnrýnir karla sem hafa orðið það á að fara á súlustað og eytt þar nokkrum milljónum. Ég ætla ekki að tala fyrir slíkri hegðun, en þurfa femínistar ekki að gagnrýna allt mansal og kaup á vændi hvort sem það er gert af hendi karla eða kvenna?

Það er einhver tvískinnungur í gangi sem þarf að koma upp á yfirborðið.


mbl.is Catalina önnur kvennanna
Tilkynna um óviðeigandi tengingu við frétt

Enn og aftur skulu höfundarrétthafar tónlistar

og mynda koma með vafasamar tölur. Vegna okurverðs á hljómdiskum og myndum, hafa æ fleiri notfært sér þá þjónustu að kaupa erlenda tónlist af vefjum svo sem Amazon.com.

Tölur um samdrátt er því í besta falli vafasamar ef ekki beinlínis rangur þegar niðurhali er kennt um.

Auðvitað er niðurhal ákveðið vandamál, en getur líka orðið til þess að sala aukist fremur en dragist saman. Það finnast nefnilega fleiri áhugaverð nöfn flytjenda á torrentsíðum en í plötuverslunum og þá verður forvitnin um flytjandann til þess að örva sölu síðar meir.

Það kemur svo heldur ekki fram að kannski hafi minnkandi auraráð áhrif á söluna, það er nefnilega mjög dýrt að kaupa sér tónlist í dag eins og gengismálum er háttað.


mbl.is Niðurhal af netinu hefur áhrif
Tilkynna um óviðeigandi tengingu við frétt

Tippikal

Eru höfundarrétthafar ekki komnir út í eitthvað bull???????
mbl.is Var bannað að syngja í vinnunni
Tilkynna um óviðeigandi tengingu við frétt

Þetta er náttúrulega það besta sem gæti komið fyrir.

Ef það er krafa um að íslenska ríkið borgi fyrir viðskipti tveggja einkaaðila, þá vil ég að viðskipti þeirra sem selja fisk til bretlands verði ábyrg af breska ríkinu. Það hlýtur að vera sanngjarnt.

Ég er hins vegar ekkert hræddur við dómsmál eins og Guðbjartur er, það hlýtur að gilda að fyrstur kemur fyrstur fær þangað til innistæðusjóðurinn er tómur og þar með er það búið. Ríkið hefur ekki enn samþykkt "gagntilboð" breta og hollendinga og er þar með, með frítt spil. Látum þá sækja aurana sína í gegnum dómskerfið því það er það sem við ættum að vilja.


mbl.is Segja stöðu Íslands styrkjast 23. október
Tilkynna um óviðeigandi tengingu við frétt

Það er slæmt að maður skuli ekki vera fyrrverandi

útrásavíkingur eða alla veganna  ríkari en maður er svo hægt sé að afskrifa skuldirnar eins og hjá hinum auðmönnunum.

Steingrímur J. vill ekki auka útgjöld ríkissjóðs en er tilbúinn að hóta mönnum ef Bretum og Hollendingum er ekki borgað í topp. Þetta er lýðræðissinninn Steingrímur tilbúinn að láta okkur borga, og brenna upp heimilin í landinu svo auðn blasir við.

Til hamingju Steingrímur og Jóhanna óséða, ykkur er að takast ætlunarverkið.


mbl.is Róttækari aðgerðir til handa heimilum
Tilkynna um óviðeigandi tengingu við frétt

Það er gott að Norðmenn eru loks að átta sig

á því hvað ástandið er alvarlegt hér á landi. Það er erfitt að eiga vini í orði en ekki á borði, þegar neyðin er stærst. Ótrúlegt hvað Svíar eru harðir gagnvart skilyrðum um Icesave, það er vonandi að loks rofi eitthvað til í þessum efnum hjá "vinum "okkar.

Það er hins vegar ljóst að þessi ríkisstjórn okkar er búin að vera, því miður. Jóhanna sést ekki og hvað þá að hún láti frá sér eitthvað af viti í orði. Þessi skrif hennar Financial Times hefðu þurft að koma fyrir mánuðum síðan og þau eru als ekki nógu kjarnyrt. Greinin hans Péturs Blöndal eru hins vegar góð en kemur of seint.

Við erum í vægast sagt vondum málum og þurfum betra fólk í brúnna, röggsamt og ákveðið og með hag íslenskrar alþýðu að leiðarljósi. Þetta fólk sem kennir sig við jafnaðarstefnu vinnur hörðum höndum við að koma öllum almenningi í gjaldþrot, einungis til að halda völdum og eru tilbúin að selja sig ódýrt til að þurfa ekki að standa við gefin loforð um skjaldborg heimilanna sem ekki hefur litið dagsins ljós ennþá.

Eina breytingin er að innheimtur ríkisbankanna og krítarkortafyrirtækjanna hafa harðnað og lögfræðikostnaður fyrr að leggjast á en áður hefur þekkst. Ég segi fyrir mitt leiti að ég hef orðið fyrir miklum vonbrigðum með þessa stjórn og hvað þá mest Steingrím J. en hann hefur gengið hvað lengst baka orða sinna af öllum þeim sem nokkru sinni hafa setið á alþingi. 


mbl.is Stjórnin gagnrýnd fyrir hörku
Tilkynna um óviðeigandi tengingu við frétt

Birnir yfir Íslandi.

Það er ekkert nýtt að fá þessar vélar hingað. Þetta eru gamlar en góðar vélar sem hafa fengið gríðarlegt viðhald hin síðustu ár hjá Rússanum. Þær geta flogið býsna hratt af skrúfuvélum að vera, eða á um 930 km/klst. Þær hafa mjög mikið flugþol og geta borið kjarnavopn, enda hannaðar til þess á sínum tíma.

 

300px-Tupolev_Tu-95_Marina

Það er engum vafa um það undirorpið að Rússar sýna okkur meiri áhuga en oft áður. Hvort það er vegna aukinna möguleika á skipaferðum yfir norðurpól eða hugsanlegrar olíuvinnslu við Ísland veit enginn.

Það þarf að fylgjast með þessum ferðum vélanna einfaldlega vegna þess að þessar vélar eru þær einu sem fljúga svokallaða "mission" hingað til okkar sem þýðir að ef þær koma inn fyrir 12 mílurnar þýðir það óvinaaðgerð. Þeir hafa svo sem aldrei gert það enda yrði það stórmál. Þetta er hernaðarflug sem Rússarnir eru ekki tilbúnir að tilkynna fyrirfram að verði, svo gæsla  er það sem við þurfum.

Íslendingar verja 0,001 % af landsframleiðslu til varnarmála á meðan t.d Danir og Norðmenn verja 2,5 %. Ef engin ógn er af flugi þessara véla, þá hvers vegna eru aðrar nágrannaþjóðir að verja miklum upphæðum í varnarmál. Gæti það átt sér þá skýringu að fyrir 70 árum síðan braust út styrjöld með tilheyrandi hörmungum og menn vilja tryggja það að ekki verði komið aftur að þeim með buxurnar á hælunum.

Það virðist nefnilega skjótt breytast veður í lofti hernaðarlega séð hér í norður Evrópu og þá ættu menn að vera tilbúnir. Nokkrar milljónir til eða frá skipta engu máli fyrir okkur og við ættum frekar að bæta í heldur en að draga úr.


mbl.is Birnir yfir Íslandi
Tilkynna um óviðeigandi tengingu við frétt

Ég hef nú ekki alltaf verið sammála Birni Bjarna

en núna er ég hjartanlega sammála honum. Það sem hann segir um aumingjaskap Jóhönnu og Steingríms er sláandi og þetta fólk gerir ekkert til að verja málstað Íslands eins og skylda þeirra er.

Hrannar B Arnarsson er talsmaður Jóhönnu og það hvernig hann klúðraði málum eftir grein Joly, gerir það að verkum að hann ætti að hætta í pólitík strax enda hefur hann ekkert að gera sem pólitíkus.

Við getum talað um hrein svik við málstað okkar af þeirra hálfu, en ég lít svo á að samsæri hafi verið hleypt af stokkunum af hálfu ríkisstjórnarflokkanna einungis til að komast í ESB hið fyrsta.

Allt má gera svo þetta geti orðið, en það er okkar, fólksins í landinu að stoppa þessa vitleysu strax og láta ekki ESB liða valta yfir okkur.

Áfram Ísland. 


mbl.is Joly tókst það sem öðrum tekst ekki
Tilkynna um óviðeigandi tengingu við frétt

Aðstoðarmaður Forsætisráðherra fer mikinn

eftir að ræða frú Jolie var birt í fjórum stórum blöðum víða um Evrópu. Hann rakkar nniður greinina hennar eins og hann haf i sjálfur óhreint mjöl í pokanum. Hrannar B Arnarsson hefur ekki alltaf verið stillti strákurinn og náð að svíkja fé út úr fólki með aðferðum sem ekki verður farið útí.

 Þessi maður er núna aðstoðarmaður ráðherra, ráðherra sem gerir ekkert fyrir þjóðina og ætti að setja af hin snarasta ásamt aðstoðarmanni. Ekkert hefur verið gert af hálfu stjórnarinnar til að bera hönd yfir höfuð okkar Íslendinga og grunar mig að eitthvað rotið sé í Danmörku. 

Það er kominn tími á að henda þessum gamalmennum sem stjórna landinu og stofna til nýrra kosninga sem fyrst með það að aðalljósi að koma Samfylkingu og VG þannig frá að þau eigi ekki endurreisnar von aftur, aldrei.

Bara það að sjá smettið á Hrannari setur að mér hroll og ég veit að þessi samsetta vinstri stjórn er bara kláði sem við verðum að klóra burt hið snarasta. 

Það er óskiljanlegt hvernig Steigrímur hefur snúist í pólitíkinni. 180° hefur karlinn farið og er nú sá siðspillti stjórnmálamaður og hann hefur ásakað aðra um að vera. Ég vona að hann eigi aldrei afturkvæmt á þjóðþing íslendinga aftur og hans slegti.  


« Fyrri síða | Næsta síða »

Höfundur

Helgi Jónsson
Helgi Jónsson

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband