Starfandi Utanríkisráðherra

segir í fréttum Vísis að ekki verði óskað eftir Loftrýmisgæslu Breta sem fara eiga fram í Desember n.k. Hann segir jafnframt að það muni misbjóða þjóðarstolti Íslendinga ef þeir kæmu hingað til að verja lofthelgi Íslands.

Ég tek hatt minn ofan fyrir Össuri að standa í lappirnar og ögra Bretum eftir að þeir gerðu okkur öll að hryðjuverkamönnum fyrir 10 dögum síðan. Getum við ekki fengið Norðmenn til að gæta Loftrýmis okkar þar sem þeir eru bæði okkur afar vinsamlegir í þrengingum okkar, og virðast taka upp málstað okkar á erlendri grund. 

Það er samt ófögur sagan af konunum tveimur sem fóru í sakleysi sínu inn í búð í Danmörku en heyrðust tala íslensku. Búðareigandinn kom þá til þeirra og bað þær að yfirgefa búðina þar sem hann vildi ekkert af Íslendingum vita og rak þær með hörðu út og kvaddi þær með orðinu "bless".

Ef þetta er almennt viðhorf Dana til okkar, þá ættum við að reyna að minnka öll okkar samskipti við þá, reka sendiherrann heim og slíta stjórnmálatengslum við þá eins og við ættum að gera við Breta.

Við eigum að hafa samskipti við þjóðir sem okkur eru hliðhollar og gera við þá viðskipta og varnarsamninga en slíta samskiptum við aðra. Þegar illa gengur þá vill koma í ljós hverjir eru vinir í raun og hverjir eru vinir aðeins þegar vel gengur.

Það skyldi þó aldrei verða að Rússar geymdu eins og tvær TU-160 og tíu SU-27 orrustuþotur að staðaldri á Keflavíkurflugvelli, þeir eru jú vinir okkar í dag. 

 

Athugasemdir

[Jóhannes Einarsson, 21.10.2008 kl. 21:39]

Jæja félagi, það skyldi þá aldrei fara svo að þú eigir eftir að fara á radarnámskeið til Sakhalin eða á Kolaskaga, eða ertu annars ekki enn í landvörnunum ?

[Helgi Jónsson, 27.10.2008 kl. 01:49]

Jú sæll félagi. Ég er enn í landvörnunum og bíð spenntur eftir að fara á námskeið til Síberíu. Gaman að heyra frá þér. Sendu e-mail á [e-mail]

Frábært að heyra frá þér.