Sjálfstæðisflokkurinn endurgreiðir

55 milljónir króna til baka til tveggja gjaldþrota fyrirtækja. Gaman væri að vita hver lak þessum upplýsingum í blöðin og í hvaða tilgangi það var gert.

Mig grunar að með því að ljóstra upp um þessi mál og kenna Geir Haarde nýhættum formanni flokksins um, þá sé verið að setja pressu á Samfylkinguna að opna sitt bókhald frá og með 1. janúar 2006.

Það mætti segja mér að Samfylkingin hafi á árinu 2006 þegið ómælda styrki úr sjóðum útrásarvíkinganna, sem þeir hömpuðu ótæpilega á þessum tímum. Jóhanna vill opna bókhald flokksins og gera það gagnsætt en aðeins frá 1. janúar 2007 þegar lögin um hámarksstyrki voru komin til framkvæmda.

Heiðarleikinn uppmálaður. Varist Jóhönnu og hennar flokk, ég vantreysti þeim og bið fólk um að fara yfir gjörðir alþýðuflokks, kvennalista og alþýðubandalags þegar þessir flokkar voru til og störfuðu á Alþingi. Spillingin uppmáluð.

Þeir kasti fyrsta steininum sem .............

Guðlaugur Þór hafði forgöngu um styrkina

Athugasemdir

[Jón Ingi Cæsarsson, 9.4.2009 kl. 07:53]

Smjörklípa

[Eggert Hjelm Herbertsson, 9.4.2009 kl. 07:54]

Bókhald Samfylkingarinnar frá 2007 er opið. Jóhanna vill opna 2006 og sýna að ekkert í þessa veru er í bókhaldi Samfylkingarinnar.

[panna (IP-tala skráð) 9.4.2009 kl. 09:52]

Held að samfylkingin ætti að galopna allt hjá sér langt aftur í tíman, eða getur verið að Baugur hinn brotni hafi mokað of miklu í sjóði hennar. Það verður að vera ljóst hvað allir flokkar þáðu mikinn stuðning frá útrásarvíkingunum fyrir kosningar, annars skila ég auðu!

[Sveinn Örn (IP-tala skráð) 9.4.2009 kl. 10:29]

Hvernig væri að Sjálfstæðisflokkurinn opnaði bókhaldið sitt frá 2000-2009

Væri áhugavert að sjá hvort þar eru fleiri svona dásemdarstyrkir frá t.d. álverum og útgerðarfyrirtækjum

Annars athyglisvert að Sjálfstæðismönnum skuli finnast það verst af öllu að þessar upplýsingar skyldu verða opinberar... en það er ágætt fyrir kjósendur að fá svona hreinskilnislegt mat á stöðu mála upp á borðið, auðveldar þeim valið

Allt tal um að opna bókhaldið fyrir eitt ár í viðbót er húmbúkk og vitleysa. Það eiga allir flokkar að opna allt sitt síðustu 10 ár og leyfa kjósendum að meta spillinguna sjálfir.

Hmm, það er reyndar einn flokkur sem er einfaldlega með allt sitt uppi á borðum og hefur verið um langa hríð. Hvernig væri að kjósa bara VG? Ekki verður þeim kennt um ástandið í dag og ekki verður ástandið verra? (eða jú, það verður raunar verra ef við hleypum spillingaröflum Sjálfstæðisflokksins aftur að)

Gleðilega Páska

[Kolla (IP-tala skráð) 9.4.2009 kl. 11:42]

Það er kostulegt að ætla að gera lekann að glæp en ekki gjörðina sjálfa. Við sem fáum skuldafenið í andlitið eigum að vera þakklát fyrir að einhver segir frá. Það munar um 55 milljónir þótt þær hafi ekki verið framreiknaðar. Ég er handviss um að það er fleira ógeðfellt í bókhaldi skúrkaflokksins.

Mér líst vel á tilögu Sveins að opna bókhald ríkisstjórnarflokka frá árunum sem samið var við Impregíló og Alkóa.

[Valsól (IP-tala skráð) 9.4.2009 kl. 14:02]

Hvernig getið þið sem tejið ykkur heiðarlega menn lagt lag ykkar við flokk sem er svona óheiðarlegur? Skiptir flokkurinn ykkur svo miklu máli að þið eruð samt tilbúnir að styðja hann eftir það sem á undan er gengið. Þessi blessaði flokkur er búin að fara hrikalega illa með land sitt og þjóð og þið ætlið samt að styðja hann með atkvæði ykkar. Elskiði FLOKKINN meira en þjóð ykkar? Er flokkurinn heilagur og alveg sama hvað hann gerir? Ég er búinn að ákveða það að ef svona skítur kemur upp þegar bókhald samfylkingarinnar verður skoðað þá ætla ég að segja mig úr Samfylkingunni og kjósa eitthvað annað. Ég mun aldrei leggja lag mitt við óheiðarleika, aldrei! Hvað með ykkur, ætlið þið að kjósa Sjálfstæðisflokkinn og leggja lag ykkar við óheiðarleika?

[Einar Karl, 9.4.2009 kl. 18:53]

Helgi, burtséð frá því hvað þér finnst um Samfylkinguna, finnst þér í lagi að Sjálfstæðisflokkurinn þáði þessa miklu styrki frá þessum fyrirtækjum? Heldurðu að það hafi verið gert til að liðka fyrir fyrirgreiðslu ríkisvaldsins gagnvart þessum fyrirtækjum?

Hefðirðu frekar viljað að þessu hefði ekki verið lekið, og þ.a.l. aldrei komist í dagsljósið?