Varnar og öryggismál

í huga Björns Bjarnasonar er ekki svo einfalt að skilja. Fyrir ekki svo löngu taldi hann það stílbrot að stofna s.k Varnarmálastofnun þar sem ekki væri skilgreindur borgaralegur og hernaðarlegur tilgangur hennar. Nú, í dag, er svo að skilja að ekki sé ágreiningur um að stofna Varnarmálastofnun (sem er ekkert annað en annað nafn á Ratsjárstofnun) heldur sé stílbrotið að stofnunin sé ekki aðlöguð að starfsemi björgunarmiðstöðvarinnar í Skógarhlíð.

Fyrir þá sem ekki vita fer aðgreining borgaralegs og hernaðarlegs tilgangs ratsjánna, sem vakta landið, fram í ratsjánum sjálfum. Ratsjárnar eru tvenns konar í sama tækinu, annars vegar til borgaralegs tilgangs eins og flugumferðarstjórnunar og hins vegar til leitar og hernaðarlegrar flugstjórnunar. Þess vegna þarf ekki að aðlaga Varnarmálastofnun að björgunarmiðstöðinni heldur er allt til alls og er tilbúið ef menn vilja. Það ætti að vera lafhægt að koma merki Flugstoða, sem fer með borgaralega flugumferðarstjórn, í mótöld björgunarmiðstöðvarinnar í Skógarhlíð og mæta þar með þörfum þeirra til eftirlits um lofhelgina. Ég get skilið þörfina fyrir að geta haft eftirlit með björgunarþyrlum og öðrum flugvélum Landhelgisgæslunnar en flugstjórn herflugvéla og leit að óþekktum flugvélum koma Björgunarmiðstöð lítið við.

Þessi svokallaði umsnúningur Björns, ef svo má kalla, er til hins góða að mínu mati og ég vona að málið um Ratsjárstofnun fari að ljúka. Fyrir okkur sem höfum starfað hjá stofnuninni, erum að vonum þreytt á ástandinu og vonumst til að þriggja ára niðurskurði, endurskipulagningu og endurreisn stofnunarinnar fari að ljúka.

 

Nýr Vegamálastjóri

Plottið gæti orðið eftirfarandi: Sturla Böðvarsson verður Vegamálastjóri; Björn Bjarna verður forseti Alþingis og Bjarni Ben verður  Dómsmálaráðherra . Í staðinn fær Samfylkingin  forstjóra nýrrar Varnar- og Öryggismálastofnunar.

Gæti orðið að veruleika, hver veit. 

Vegamálastjóri að hætta

Hámark

vitleysunnar. Hvar skyldi þetta enda eiginlega.

Aukabörnin kolefnisjöfnuð

Hvað skyldu

tæplega 7 milljarðar manna losa af metangasi daglega. Ætti VG og aðrir græningjar ekki að heimta mengunarkvóta á hvern mann, t.d 2 lítra á mann á viku allt framyfir verður gjaldskylt og fer í umhverfisverndunarsjóð. Ekki vitlausara en að gera litamun á klæðum kornabarna að umtalsefni á Alþingi.

Umhverfisvænn vindgangur

Slys á Reykjanesbraut

Þetta slys, eins og öll önnur slys sem verða í umferðinni, var hræðilegt og verður við aðstæður sem geta komið upp á Reykjanesbrautinni nefnilega glerhálka. Þegar svona slys verða tekur ákveðin tíma að koma fólkinu út úr bílhræunum hlúa að því og kalla til hjálp. Lögreglan kemur oftast fyrst á vettvang og lokar götunni samstundis og síðan kemur sjúkralið og slökkvilið til hjálpar.

Lögreglan er hins vegar með lokaða vegina, jafnvel nokkrum klukkustundum eftir að slysið verður og fólkið fyrir löngu komið á sjúkrahús. Hún er að dunda sér við að mæla og rannsaka hvernig slysið vildi til og hleypir engum framhjá á meðan. Í þessu tilviki hefði vel verið hægt að hleypa umferð framhjá með góðri umferðarstjórnun og skipulagningu, en það er víst ekki hægt að fara fram á að lögreglumenn kunni skil á slíku svona í seinni tíð. 

Það er hins vegar ekki ofmælt hvað það þýðir fyrir Reyknesinga og þjóðina alla að breikka vegi og gera þá öruggari með tvöföldunum, bæði Reykjanesbrautina og Suður- og Vesturlandsveg. Vona að það verði farið fljótlega í að breikka og bæta þá vegi.

Stórhætta á slysavettvangi

Slys í Keflavík

Hræðilegt slys, og ef rétt reynist að drengurinn sé látinn, þá votta ég foreldrum og öðrum aðstandendum drengsins mína dýpstu samúð. Ég vona að sá sem yfirgaf drenginn í blóði sínu á götunni, sjái hvað hann hefur gert rangt en það er Guð einn sem getur fyrirgefið honum.

Maður í haldi, bíll í rannsókn

Varnir Íslands

Í Fréttablaðinu í dag þann 1 Desember 2007, birtist grein um varnarmál Íslensku þjóðarinnar sem ber yfirskriftina "Varnir Íslands á krossgötum". Þar er greint frá því að í öllum aðalatriðum séu samstarfsflokkarnir sammála um þá skipan mála sem Forsætis- og Utanríkisráðherrar hafa viljað fara, en samt heyrast raddir úr röðum Sjálfstæðismanna um að verkefni Ratsjárstofnunar verði færð í Björgunarmiðstöðina í Skógarhlíð og æfingar herþotna á Íslandi endurskoðaðar.

Þessar raddir eru að sjálfsögðu raddir Björns Bjarnasonar og Jóns Gunnarssonar sem nýverið settist á þing sem varamaður, eftir því sem mér skilst. Þeir kumpánar vilja setja upp lágmarkseftirlit í Björgunarmiðstöðinni við Skógarhlíð og loka stjórnstöðinni á Keflavíkurflugvelli. Þessir menn hafa mér vitanlega ekki kynnt sér eitt né neitt um starfsemi stjórnstöðvarinnar og hvernig eftirlit er framkvæmt þar, hvað þá að þeir geri sér grein fyrir þeim búnaði sem þarf til að halda uppi eftirliti. Ég er ekki viss um að sá búnaður sem þarf til komist einfaldlega fyrir í húsakynnum Björgunarmiðstöðvarinnar sem býr við afar þröngan kost nú í dag, hvað þá ef þessu væri bætt við.

Hvað varðar þörfina á loftvörnum, þá má deila um það. Við Íslendingar getum þó ekki tekið þá hrokafullu ákvörðun sjálfir að ekki sé þörf á einhverskonar vörnum og eftirliti hér, en í öðrum löndum í kringum okkur sé talin mikil þörf á slíku. Norðmenn, Danir, Svíar, Finnar og Bretar verja miklum fjárhæðum til slíks eftirlits svo ekki sé talað um Frakka, Þjóðverja, Spánverja og aðrar NATO þjóðir sem telja fulla þörf á að því að eftirlit sé öflugt. Svo koma menn eins og Björn og Jón og berja sér á brjóst og telja lágmarkseftirlit loftrýmis landsins samhliða útköllum á hjálparsveitum, lögreglu og strandgæslu geti farið saman. Þetta gera þeir án þess að kynna sér hvernig þetta eftirlit fer fram og hvaða búnað þarf til.

Rússland er að verða herveldi aftur. Þeir styrkjast dag frá degi og nú er svo komið að kjarnorkukafbátar þeirra eru komnir af stað aftur. Hvernig ætli Björn og Jón vilji haga eftirliti á þeim í framtíðinni, kannski líka frá Skógarhlíðinni? Eina leiðin til þess að fylgjast með þeim er frá kafbátaleitarflugvélum sem flestar nágrannaþjóðir okkar eiga og reka. Ef engin starfsemi fer fram á Keflavíkurflugvelli og engar æfingar fara fram glatast sú þekking sem skapast hefur og þá er ekki hægt að framkvæma þetta eftirlit frá Íslandi því tækin og mannskapinn vantar.

Ég skora á þá félaga og samflokksmenn mína að fara í skoðunartúr um eftirlitsstöðina á Keflavíkurflugvelli. Ég er viss um að Ingibjörg Sólrún mun með glöðu geði hjálpa þeim um aðgang að þeim mannvirkjum sem hafa verið reist til varnar Íslandi og fá fróða menn til að upplýsa þá um það sem gert er þar.

Feministar og fleira

Ég var að horfa á Kastljósið í köld eftir að hafa horft á fréttir. Ég varð fyrst sleginn furðu vegna fréttar um klæðnað ungbarna á fæðingadeild og svo reiður þegar einhver mæt kona kom í Kastljósið og heimtaði kynjakvóta á Silfur Egils.

Báðar þessar konur, þ.e sú sem kom fram með kvörtun (Kolbrún Halldórsdóttir) vegna klæðnaðar brjóstabarna á fæðingardeild og eins hin konan sem kom fram í Kastljósi í kvöld sem eru að sjálfsögðu báðar Vinstri Grænar, og það illa Vinstri Grænar. Þessi femínistahugsjón er orðin þreytt og henni þarf að breyta. Ég t.d hafði samúð með málstað femínista framan af, en er nú hatrammur andstæðingur þeirrar kenningar. Það á víst að draga konur nauðugar viljugar í stjórnmál svo kynjakvóta sé fullnægt, en ekkert talað um hæfni, þekkingu á efninu eða vilja til að vera í pólítík eða í stjórn félaga. Þetta er stærðarinnar BULL sem feministar hafa sótt fram með síðustu ár. Það þarf að stöðva þetta áður en það verður óviðráðanlegt í samfélaginu.

Eins get ég ekki orða bundist vegna ákvörðunar þriggja leikskóla í Grafarholti að þiggja ekki lengur þjónustu presta til að kenna börnunum kristinfræði. Þetta er gert til að móðga ekki krakka annarar trúar. Ég spyr, hvað með restina af krökkunum sem eru íslensk og kristinnar trúar? Eiga þau bara að tapa vegna einhverra sem eru annarar trúar. Ég hefði ekki trúað þessu að óreyndu. FARIÐ AÐ GERA EITTHVAÐ UPPBYGGILEGT EN EKKI SLEPPA YKKUR Í MÁL SEM SKIPTA ENGU.

Það er af nógu að taka t..d í Afríku og einnig hér heima þar sem margir líða skort og þurfa að bíða langan tíma eftir skurðaðgerðum. Reynið þið nú VG fólk að ainbeita ykkur að málum sem skipta MÁLI.

Varnarmálastofnun

Loksins er farið að hilla undir að ný stofnun í stað Ratsjárstofnunar verði að veruleika. Þeir sem halda að okkur vanti ekki varnir hafa ekki skoðað málin niður í kjölinn. Nú er svo komið að Bandaríkjamenn sjá eftir að hafa yfirgefið landið og myndu helst vilja koma aftur. Pútin Rússlandsforseti hefur sexfaldað fjárframlög til sjóhersins sem aftur er farin að sigla kjarnorkukafbátum sínum um norðursvæði.

GIUK hliðið sem er á milli Grænlands, Íslands og Bretlands er nú óvarið og geta kafbátar siglt óáreittir til austurstrandar Bandaríkjanna og gert það sem þeir vilja þar. Þegar háttsettur herforingi kom hingað í sumar, Burns að nafni, gat hann ekki talað skýrar um hvað ratsjáreftirlitið væri NATO og Íslandi mikilvægt. Nú skrifar Jón Gunnarsson grein í Moggan og rakkar ratsjárnar niður vegna þess að Bandaríkjamenn sjálfir hafa lýst því yfir að þeir hafi ekki not af þeim. Ætli þeir séu ekki um þessar mundir að snúast hugur.

Björn Bjarnason hefur viljað fá loftrýmiseftirlitið flutt í Skógarhlíð, sem er kannski ekki al vitlaust nema að því leyti að búnaðurinn sem er í notkun á Keflavíkurflugvelli þarfnast þjálfaðra manna og nokkurs viðhalds svo halda megi æfingar með þeim þjóðum sem vilja nýta sér aðstöðu okkar á vellinum. Það er svo einkennilegt að þjóðir innan NATO keppast um að fá að koma hingað til æfinga, svo nýja stofnunin þarfnast góðra og vel þjálfaðra manna til að hafa eftirlit með flugumferð um landið og vera til taks þegar, og ef, hættu steðjar að landinu okkar.

Við erum eina óvopnaða ríkið í NATO og því er okkar svar við því að hafa eftirlit með hafsvæðinu hringinn í kringum landið  og bregðast við þegar hættu steðjar að.

Fólk verður að passa sig að gera ekki lítið úr okkar landi og reyna að sýna smá þjóðhollustu og þjóðernishyggju, hún var til um 1940 og verður að lifa í brjóstum okkar áfram, Íslandi til heilla. 

Ný varnarmálastofnun undirbúin

Ratsjárstofnun enn og aftur!

Það er nokkuð merkilegt að ekki skuli vera komin fram drög að lögum á hinu háa alþingi um nýja stofnun sem leysa á Ratsjáratofnum af hólmi. Þessi stofnun sem sennilega mun bera heitið "Varnar og Öryggismálastofnun "hefur ekki tekið til starfa ennþá og engin þingsályktunartillaga hefur verið sett fram ennþá. Skyldi Valgerður Sverrisdóttir hafa rétt fyrir sér og það sé Björn Bjarnason sem stoppi málið af.

Björn Bjarna hefur langað lengi að verða fyrsti herforingi okkar annars friðsæla lands og fá til sín allar þær stofnanir sem geta fært honum þau völd svo að það takist. Hann og hans menn halda að hægt sé að fylgjast með skipum með þeim ratsajám sem herinn skyldi eftir þegar hann fór. Þetta er mikill miskilningur og það er ekki hægt að fylgjast með sjóförum að svo stöddu.

Björn Bjarna ætti að lofa þessu frumvarpi að komast í gegn eins fljótt og hægt er þar sem þolinmæði starfsmanna stofnunarinnar minnkar frá degi til dags, engum til gagns hvorki honum né þeim serm stjórna stofnuninni nú þegar. Ef fólk með reynslu fer, þá er ekkert eftir hvorki fyri Björn Bjarna eða annan.

Vonandi leysast þessi mál farsællega og umfram allt fljótt svo ekki komi til að Varnar og Öryggismálastofnun verði ekki til, öllum til minni hagsbóta. Björn, kyngdu stolti þínu og komdu þessu máli áfram sem fyrst.